EZ AL DAUDE MODAN MERKEALDIAK?
Informazio hau gazteleraz ere irakurri dezakezu
Merkatari asko kexaz ari dira, merkealdiek indarra galdu dutelako; kasu batzuetan salmentak gutxitu egin dira, batez ere denda txiki batzuetan.
Zergatik?
Aitzakia izan daiteke liberalizazioa, hau da, azken boladan merkealdi sasoi klasiko biak ezabatu dituen lege aldaketa, baina ez da horrela. Arrazoi nagusienak hauexek dira:- Eskaintza berezi eta promozio asko egiten dira urtean zehar, ez dugu urtarrilera edo ekainera itxaron behar merke erosteko, dendek urte osoan zehar daukatelako eskaintza bereziren bat, bai “hemengoak” (Amaren eguna) bai kanpokoak (Black Friday).
- Modaren batez besteko prezioa, merkealdien protagonista nagusi bat, asko jaitsi da. Moda-denda handi batzuk prezio baxuko moda-sorta erakargarriak dauzkate eta honek kontsumitzaileari irakatsi dio ez duela gehiegi gastatu behar dotore janzteko.
Zara indizea
Zara indizeak argi erakusten du nola Espainian kontsumitzaileek gutxiago ordaintzen duten arropa erosteko. Indize honek prenda beraren prezioa konparatzen du zenbait herrialdetan eta hemen Europako beste herrialdeetan baino merkeagoa da, %25 hain zuzen ere. Eta segun zein herrialderekin konparatu diferentzia hau handiagoa da.
Orduan, zer gertatuko ote da merkealdiekin?
Bere garaian izan zuten garrantzia berreskuratzeko, dendek guztiz aldatu behar dute promozioak egiteko era. Kendu behar dira prezioan oinarrituak eta modelo hau oso kasu berezietan baino ez erabili. Gainera, politika hau ona izango da dendentzat, marjinak hobetuko dituelako.Promozio hauen ordez, merketzea ez den beste pizgarri desberdinen bat erabili behar da, adibidez oparitxo bat, fidelizaziorako baliabideak, …
Merkealdien krisiari buruz gehiago jakiteko bisitatu lotura hauek:
El fin de la ilusión por las rebajasEl colapso de las rebajas
El índice Zara
EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua
ZURE USTEZ BERRI HAU INTERESGARRIA DA ZABALDU INTERNET-EN:
iruzkinik ez:
Argitaratu iruzkina